انکاؤنٹر میں 40 سے زائد معاملوں میں مطلوب ملزم گرفتار

دہلی کے ضلع غازیہ آباد میں پولیس انکاؤنٹر کے دوران ایک انعامی بدمعاش کو گرفتار کیا گیا ہے اس ملزم پر 40 سے زائد مقدمات درج ہیں۔

غازیہ آباد کے سٹی کوتوالی علاقے میں پولیس اور بدمعاش کے درمیان تصادم ہوا اور اسی دوران ملزم کے پیر میں گولی لگی جسے پولیس نے گرفتار کرلیا۔

پولیس شہر کے مہامایا اسٹیڈیم کے باہر جانچ میں مصروف تھی ڈیوٹی پر تعینات پولیس والوں نے ایک بائک سوار کو شک کی بنا پر روکا لیکن وہ نہیں رکا اور اس نے پولیس پر فائرنگ شروع کردی لیکن پولیس کی جوابی کارروائی میں ملزم کے پیر پر گولی لگی جس کے سبب وہ وہیں گرگیا۔

ملزم کی شناخت رضوان عرف پھول میاں کے طور پر ہوئی ہے جو بجنور کا رہنے والا بتایا جارہا ہے اور اس پر 40 سے زائد مقدمات درج ہیں۔