مغربی بنگال میں لوگ بلاوجہ متصادم: سپریم کورٹ

سپریم کورٹ کی بینچ نے کہاکہ مغربی بنگال میں بلاوجہ لڑائی جھگڑوں کا ہونا کوئی نئی بات نہیں ہے۔ ریاست میں یہ کوئی مسئلہ نہیں ہے۔

جسٹس ارون مشرا اور آر ایم شاہ کی بینچ نے بی جے پی کے رہنما ارجن سنگھ کے مقدمے کی سماعت کے دوران کہا کہ مغر بی بنگال میں بلا وجہ جھگڑ تے اور لڑتے ہیں۔انہیں لڑنے اور جھگڑنے کے لیے کسی وجہ کی ضرورت نہیں۔ چند لوگ مرنے اور مارنے کے لیے ہمیشہ تیار رہتے ہیں۔

مغر بی بنگال میں لوگ بلاوجہ جھگڑتے ہیں

سپریم کورٹ میں مقدمے کی سماعت کے دوران بینچ نے کہاکہ ریاست مغر بی بنگال میں کسی بات پر جھگڑ اکرنا اور گروہوں کے درمیان جھڑپیں پیش آ نیں کوئی نئی بات نہیں ہے ۔ اس سے وہاں کے لوگوں کو کوئی فرق نہیں پڑتاہے۔

سپریم کورٹ کے مطابق جب عام لوگوں کو اس سے کوئی فرق نہیں پڑتا ہے تو یہ کوئی مسئلہ نہیں ہے ۔ سپریم کورٹ اس پر سماعت نہیں کرسکتی ہے۔
عدالت عظمیٰ کے مطابق مغربی بنگال حکومت اور وہاں کی عدالت پر منحصر ہے وہ ان سب واقعات سے کیسے نمٹتی ہے۔