اردو

urdu

ETV Bharat / briefs

بارہ بنکی کے کسان کریں تو کیا کریں؟

کسانوں کی آمدنی دگنی کرنے اور انہیں کاشتکاری میں ہر قسم کی مراعات دینے کے سرکاری اعلانات بارہ بنکی تک آتے آتے دم توڑ جاتے ہیں۔

By

Published : Jun 1, 2019, 3:35 PM IST

بارہ بنکی کے کسان کریں تو کیا کریں؟ متعلقہ تصویر

واقعہ یہ ہے کہ بارہ بنکی میں اس دفعہ حکومتی گیہوں خرید بری طرح سے متاثر ہوئی ہے۔ گیہوں خرید میں اب محض دو ہفتوں کا وقت باقی ہے۔ لیکن اب تک طئے ٹارگیٹ کے مطابق صرف 40 فیصد ہی گیہوں خریدا جا سکا ہے۔ حکومتی گیہوں خرید مراکز تک کسانوں کو متوجہ کرنے اور ٹارگیٹ کو پورا کرنے میں انتظامیہ ان دنوں مزید محنت کر رہی ہے۔

بارہ بنکی کے کسان کریں تو کیا کریں؟ متعلقہ ویڈیو

تقریباً ڈیڑھ ماہ قبل شروع ہوئی گیہوں خرید اپنے طئے ٹارگیٹ سے کافی دور ہے۔ بارہ بنکی ضلع میں اس بار گیہوں خرید کے لئے ایک لاکھ ایک ہزار 500 میٹرک ٹن کا ٹارگیٹ طئے کیا گیا ہے۔ لیکن اب جب دو ہفتے ہی بچے ہیں صرف 40 فیصد گیہوں ہی خریدا جا سکا ہے۔ انتظامیہ کا پورا عملہ ان دنوں گیہوں خرید کا ٹارگیٹ پورا کرنے کے لئے دن رات محنت کر رہا ہے۔ انتظامیہ گیہوں خرید میں گراوٹ کی اہم وجہ رقبے کی کمی کو مان رہی ہے اور کسانوں کو گیہوں خرید مرکز تک لانے کے لئے کوئی کسر نہیں چھوڑ رہی ہے۔

گیہوں خرید میں کمی کی وجہ صرف رقبہ کی ہی کمی نہیں ہے۔ کسانوں کو باہر گیہوں فروخت کرنے کی بڑی وجہ حکومت کی پالیسی بھی ہے۔ گیہوں خرید مراکز اتنے دور ہوتے ہیں کہ وہاں تک کسانوں کا پہنچنا مشکل ہوتا ہے۔ اس کے علاوہ حکومتی مراکز پر گیہوں نقد نہیں لی جاتی۔ اسلئے لوگ باہر ہی گیہوں بیچنا مناسب سمجھتے ہیں۔

کسانوں سے گفتگو کے دوران رقبے میں کمی کی سب سے بڑی وجہ آوارہ جانوروں کا کھیتوں کو نقصان پہنچانا سامنے آیا۔ کسانوں کی کہنا ہے کہ انہوں نے آوارہ جانوروں کے خوف سے گیہوں کی کاشت میں کمی کر دی ہے۔ کیوں کہ گیہوں کے کھیتوں کو آوارہ جانور برباد کردیتے ہیں۔ اس لئے کسان گیہوں کے بجائے دوسری فصلوں کی کاشت پر زیادہ توجہ دے رہا ہے۔

ABOUT THE AUTHOR

...view details