ریمیڈیسور کی کالا بازاری کرنے والوں پر این ایس اے لگایا جائے

مدھیہ پردیش کے وزیر اعلی شیوراج سنگھ چوہان نے کہا کہ ریمیڈیسور انجیکشن کی کالا بازاری کرنے والوں کے خلاف قومی سلامتی ایکٹ کے تحت کارروائی کی جائے.

شیوراج سنگھ نے کہا کہ آکسیجن سپلائی کے سلسلے میں افواہ اڑانے والوں اور گمراہ کن باتیں پھیلانے والوں کے خلاف بھی کارروائی ہو۔

وزیراعلیٰ شیوراج سنگھ چوہان نے اپنی رہائش گاہ سے کورونا وائرس کی صورتحال پر ورچول اعلیٰ سطحی میٹنگ میں کہا کہ کورونا کرفیو کے لیے جس طرح سے عوام آگے آئے ہیں اور ہر کسی نے تعاون کیا ہے، اس سے وائرس پھیلنے کی رفتار کم ہوئی ہے۔ عوام کے ساتھ عوام کے تعاون سے کورونا کرفیو کو قئم رکھنا ضروری ہے۔

انہوں نے بتایا کہ آکسیجن سپلائی کے لیے ڈی آر ڈی او سمیت مرکزی حکومت کی سطح پر مسلسل بات چیت جاری ہے۔