راجیو کمار کی گرفتاری پرعارضی پابندی ختم

سپریم کورٹ کے فیصلے کی وجہ سے کولکاتاپولیس کے سابق پولیس کمشنر راجیوکمار ایک بار پھر مشکل میں آ گئے ہیں۔ سابق پولیس کمشنر کے پاس گرفتاری سے بچنے کے لیے اب صرف سات دنوں کی مہلت ہے۔

عدالت عظمیٰ نے کروڑوں روپے کے شارداچٹ فنڈ بدعنوانی کیس میں کولکاتا پولیس کے سابق کمشنر راجیو کمارکوسی بی آ ئی کے ذریعہ گرفتار کرنے پر عائدعبوری پابندی آج ختم کردی۔

راجیو کمار کی گرفتاری پر عارضی پابندی ختم

جسٹس اندرا بنرجی اور جسٹس سنجیو کھنہ کی بنچ نے دونوں فریقین کے دلائل سننے کے بعدگرفتاری پر عبوری پابندی ختم کرنے کا حکم دیا۔انہوں نے کہا”ہم نے کولکاتا کے سابق پولیس کمشنر راجیو کمار کی گرفتاری پر عبوری روک ختم کردی ہے۔ انہیں سات دنوں کے اندر قانونی چارہ جوئی کرنی ہوگی۔“سی بی آئی کا الزام ہے کہ مسٹر راجیوکمار بڑے سیاسی رہنماؤں کو بچانے کے لئے چٹ فنڈ بدعنوانی کے حقائق کے ساتھ چھیڑ چھاڑ کررہے ہیں۔