درگاپور میں واقع ترنمول کا نگریس کے پارٹی دفتر میں نامعلوم شرپسندوں نے توڑ پھوڑ کی ۔ترنمول کانگریس کے حامیوں نے پارٹی دفتر میں توڑ پھوڑ کے خلاف احتجاج کیا اور قومہ شاہراہ کی ناکہ بندی کردی۔
پنڈویشور کے ایم ایل اے اور ترنمول کانگریس کے سرکردہ رہنمانے بی جے پی پر ترنمول کانگریس کے پارٹی دفتر میں توڑ پھوڑ کا الزام لگایا۔
ایم ایل اے جتیندر تیواری نے کہاکہ بی جے پی کے کارکنان نے ترنمول کانگریس کے پارٹی آ فیس میں داخل ہوئے اور توڑ پھوڑ کرکے آ گ لگانے کی کوشش کی۔ علاقے کے باشندوں کی مداخلت کے سبب بی جے پی کے کارکنان فرار ہونے پر مجبور ہو گئے۔
انہوں نے مزیدکہاکہ بی جے پی کے حامی اگر تشددکاراستہ ترک نہیں کر تے توترنمول کا نگریس کے کارکنان بھی جوابی کارروا ئی کریں گے۔ہم لوگ چوڑی پہن کر نہیں بیٹھے ہیں۔
ایم ایل اے جیتندر تیوار کی قیادت میں ترنمول کانگریس کے حامیوں نے تھانے کا گھیر اؤ کیا اور اس کیس میں ملوث افراد کی گرفتاری کامطالبہ کیا۔