محکمہ نقل و حمل نے بس کو سیز کردیا

حد سے زائد مسافروں کو لے جانے والی ایک بس کو محکمہ نقل و حمل نے سیز کردیا۔

تلنگانہ کے ضلع جگتیال کے کوڈمیال سے گزر رہی ایک آر ٹی سی بس کو محکمہ ٹرانسپورٹ کے افسر کشن راو نے بس روک کر مسافروں کی گنتی کی، جسمیں 125 افراد موجود تھے۔ جبکہ 55 افراد کو لے جانے کی اجازت ہے۔
اس موقع پر مذکورہ افسر نےزائد مسافروں کو دوسری بس میں منتقل کیا۔
گزشتہ برس ستمبر میں علاقہ کنڈا گٹو میں حد سے زائد مسافر لے جانے والی بس الٹ گئی تھی جس میں60 افراد ہلاک ہوگئے تھے۔
اس حادثہ کے بعد محکمہ چوکس ہوگیا ہے،محکمہ کے افسران بھری ہوئی بس کو روک کر زائد مسافروں کو دوسری بس سے روانہ کررہے ہیں۔