ترنمول کانگریس اور بی جے پی میں جھڑپ

امت شاہ کا انتخابی جلسہ رد ہونے کے بعد جنوبی24 پر گنہ میں ترنمول کا نگریس اور بی جے پی کے کارکنان کے درمیان جھڑپ ہو گئی، جس میں متعد د افراد زخمی ہو گئے۔

مغر بی بنگال کے جنوبی24 پرگنہ کے بروئی پور تھانے علاقے میں بی جے پی کے قومی صدر امت شاہ کےانتخابی جلسے کی اجازت نہ ملنے پر تشددبرپا ہوگیا۔
ترنمول کانگریس اور بی جے پی کے حامیوں کے درمیان جھڑپ کے دوران متعددافراد زخمی ہوگئے۔

پولیس کو حالات پر قابو پانے کے لیے لاٹھی چارج کرنا پڑا۔پولیس کاکہنا ہے کہ بی جے پی کے صدر کو جلسے کی اجازت نہیں ملنے کے بعد بی جے پی کے کارکنان احتجاج کرتے ہوئے سڑک کی ناکہ بندی کردی۔ اسی دوران ترنمول کا نگریس اور بی جے پی کے حامیوں کے درمیان جھڑپ ہو گئی۔پولیس کے مطابق زخمیوں کو ضلع صدر اسپتال میں داخل کرایا گیاہے۔چھ لوگوں کو حراست میں لیا گیاہے۔