دس کیلو گانجہ کے ساتھ اسمگلر گرفتار

بھارتی ریاست بہار کے ضلع ارریہ کے ایکسائز ڈیپارٹمنٹ نے آج خفیہ اطلاع کی بنیاد پر تقریباً 10 کیلو گانجہ ضبط کیا اور اسمگلر کو بھی گرفتار کرنے میں کامیابی حاصل کی۔

نمائندے کے مطابق صبح ساڑھے پانچ بجے جوکی ہاٹ اسمبلی حلقہ کے فٹکی چوک کے قریب موٹر سائیکل چیکنگ کے دوران ایک فور ویلر سے پانچ پیکٹ گانجہ برآمد کیا اور ساتھ ہی گانجہ سپلائی کرنے والے اسمگلر کو بھی گرفتار کر لیا گیا۔

ایکسائز آفیسر پرشانت کمار نے بتایا کہ 'ہم لوگوں کو خفیہ اطلاع ملی تھی سلی گوڑی سے ایک فور ویلر گاڑی جو بھاگلپور کی طرف جا رہی ہے اس میں نشیلی اشیا کی سپلائی کی جا رہی ہے، ہم لوگوں نے بغیر کسی تاخیر کے فٹکی کچو پر پولس اہلکار کی ٹیم متعین کر دیا اور اس راستے سے گزرنے والی ایک ایک گاڑی کی تلاش شروع کر دی۔

اسی اثنا میگنا ہنڈئی فور ویلر گاڑی کی بھی تلاشی ہوئی جس میں سے یہ گانجہ برآمد ہوا گانجہ دو دو کیلو کے پانچ پیکٹ میں تھے اور پوری طرح سے پیک کیا ہوا تھا'۔

پرشانت کمار نے بتایا گاڑی میں ڈرائیور کے علاوہ گانجہ لے جا رہے تسکر محمد انتخاب حسین ولد اختر حسین کو بھی گرفتار کیا گیا، انتخاب حسین بھاگلپور کا ہی رہنے والا ہے اور یہ کسی پپو بھیا کے لیے کام کرتا ہے۔

تاہم ابھی پوچھ تاچھ جاری ہے، پورے بہار میں اس طرح کی ایک ٹیم نیٹ ورک کام کر رہی ہے جس کا خلاصہ جلد سے جلد ہوگا۔ پولس انتظامیہ پوری طرح سے چوکس ہے اور گاہے گاہے مختلف شاہراہوں پر گشتی پولیس جانچ کرتی رہتی ہے.