تلگو اداکار رام پر جرمانہ

حیدرآباد کے تاریخی مقام چارمینار کے پاس ایک تلگو فلم کی شوٹنگ کے دوران سگریٹ نوشی کرنے پر ادکار رام پر جرمانہ عائد کیا گیا۔

فلم کے ایک منظر کی شوٹنگ کے دوران سگریٹ نوشی کرنے پر پولیس کی جانب سے جرمانہ عائد کئے جانے کے واقعہ پر ردعمل ظاہر کرتے ہوئے اداکار رام نے کہاکہ انہوں نے فلم کی شوٹنگ کے وقفہ میں سگریٹ نوشی نہیں کی تھی بلکہ فلم کے ایک منظر کے دوران سگریٹ نوشی کی تھی جو فلم کا ایک حصہ تھی۔
یہ شوٹنگ حیدرآباد کی تاریخی عمارت چارمینار کے قریب ہوئی تھی۔پولیس نے اس علاقہ کو نو اسموکنگ زون قرار دیا ہے اور یہاں پر سگریٹ نوشی پر جرمانہ کے ساتھ ساتھ پولیس کی جانب سے معاملہ بھی درج کیاجاتا ہے۔پولیس نے اداکار کو سگریٹ نوشی کرتے ہوئے دیکھا اور ان پردو سو روپئے کا جرمانہ عائد کیا۔اداکار نے جرمانہ کی رقم اداکردی۔