چندرا بابو نائیڈو کی ممتا سے ملاقات

کالی گھاٹ میں واقع رہائش گاہ پر مغربی بنگال کی وزیراعلیٰ ممتا بنرجی کی ٹی ڈی پی کے سربراہ اور آندھرا پردیش کے وزیرعلیٰ چندرا بابو نائیڈو سے ملاقات ہوئی۔

دونوں رہنماوؤں کے درمیان الیکشن کے بعدقیادت اور حکومت بنانے کی حکمت عملی پر تبادلہ خیال ہوا۔
آئندہ 23 مئی کو پارلیمانی انتخابات کے نتائج کے بعد اتحاد بنانے اوراس کی قیادت کے ساتھ ساتھ این ڈے اے کے خلاف نئی حکمت عملی پر بات چیت ہوئی۔
اس موقع پر ریاستی وزیر ترقیاتی وشہری فرہاد حکم بھی موجود تھے۔

منگل کودہلی میں کانگریس سمیت تمام اپوزیشن جماعتیں الیکٹرونک ووٹنگ مشین (ای وی ایم) کی گنتی اور وی وی پی اے ٹی کی پرچیوں کو ملانے کے تعلق سے ایک بار پھر الیکشن کمیشن سے ملاقات کی تیاری کررہی ہیں۔اس سے پہلے تیلگو دیشم پارٹی اور آندھراپردیش کے وزیراعلی این چندر بابو نائیڈو نے کہاکہ کم از کم 50فیصد ای وی ایم اور وی وی پی اے ٹی پرچیوں کو ملایاجانا چاہئے اور ان دونوں میں فرق ہونے پر پرچیوں کو تسلیم کیاجانا چاہئے۔