ریاست بہار کے ضلع گیا میں گرمی کی شدت میں مسلسل اضافہ ہورہا ہے، اسی ضمن میں ڈسٹرکٹ مجسٹریٹ ابھیشیک سنگھ نے سرکاری اور پرائیویٹ سکولز کو تعطیل کی ہدایت دی ہے۔
واضح رہے کہ گیا میں 11 مئی سے 29 مئی تک پہلی جماعت سے آٹھویں تک تمام سرکاری اور پرائیویٹ سکولز میں تعطیل رہے گی۔
یاد رہے کہ ڈسٹرکٹ مجسٹریٹ نے بدھ کی شام سکولز کے لیے یہ ہدایت جاری کیں، جبکہ گرمی کی تعطیل کے بعد 30 مئی سے دوبارہ اسکول کھلیں گے۔
قابل ذکر ہے کہ گیا میں شدید گرمی اور لو چل رہی ہے، گزشتہ چار روز سے گرمی کی شدت میں لگاتار اضافہ ہوا ہے اور درجہ حرارت 44 ڈگری تک پہنچ گیا ہے۔
ڈسٹرکٹ ایجوکیشن آفیسر نے سبھی بلاک کے ایجوکیشن آفیسر کے علاوہ پرائمری اور مڈل سکولز کے پرنسپل کو ہدایت دی ہے کہ 11 مئی سے تعطیل کو یقینی بنائیں۔