جعلی نوٹوں کے اسمگلرز کولکاتا سے گرفتار

کولکاتا پولیس کی اسپیشل ٹاسک فورس نے ایک بار پھر مرکزی کولکاتا سے جعلی نوٹوں کا کاروبار کرنے والے دو افراد کو گرفتار کرلیا۔ دونوں گرفتار کیے گئے ملزمین کا تعلق ناگپور سے بتایا گیا ہے۔

لال بازار پولیس ہیڈ کوارٹر سے موصولہ اطلاع کے مطابق ایس ٹی ایف نے خفیہ اطلاع کی بنیاد پر مرکزی کولکاتا کے نیو مارکیٹ علاقے میں خصوصی چھا پہ ماری مہم کے تحت دو لوگوں کو جعلی نوٹوں کے ساتھ گرفتار کرلیا۔

ایس ٹی ایف کا کہنا ہے کہ نیومارکیٹ میں چھا پہ ماری مہم کے دوران دو افراد کو جعلی نوٹوں کے ساتھ گرفتار کیا گیا ہے۔ ان کے پاس ساڑھے چار لاکھ روپے کے جعلی نوٹ بر آمد ہو ئے ۔

ایس ٹی ایف کے مطابق گرفتار افراد کی شناخت محمد سلیم اور شہبازعالم کے طور پر ہو ئی ہے ۔ دونوں ناگپور کے رہنے والے ہیں۔ ان سے پوچھ گچھ کی جارہی ہے۔مزید لوگوں کی گرفتار ی عمل میں آ سکتی ہے۔

واضح رہے کہ ایک ہفتے کے دوران ایس ٹی ایف نے مرکزی کولکاتا سےاب تک جعلی نوٹوں کے دھندے میں ملوث آ ٹھ افراد کو گرفتار کرچکی ہے۔