جنوبی بھارت میں سمندری طوفان کا امکان

محکمہ موسمیات کے مطابق بھارت کے جنوبی حصے سمندری طوفان کی زد میں آنے والے ہیں، اس لیے ماہی گروں کو سمندر کی ساحل پر جانے سے منع کیا گیا ہے۔

خط استواء بحرہند اور اس سے متصل جنوب مشرق خلیج بنگال پر گزشتہ روز کے ہوا کے کم دباو کا علاقہ اسی علاقہ میں گہرے دباومیں تبدیل ہوگیا ہے۔

جمعہ کو 8:30بجے صبح سری لنکا کے ترنکوملی سے 1,140کلومیٹر مشرق جنوب مشرق چنئی سے 1490کلومیٹر جنوب مشرق اور مچھلی پٹنم سے 1760کلومیٹر دور جنوب مشرق پرمرکوز ہے۔

آئندہ 24گھنٹوں کے دوران امکان ہے کہ اس میں مزید شدت پیدا ہوگی اور یہ آئندہ 12گھنٹوں کے دوران سمندری طوفان میں تبدیل ہوگا۔

محکمہ موسمیات نے اپنے بلیٹن میں یہ بات بتائی۔امکان ہے کہ یہ آئندہ 96گھنٹوں میں سری لنکا کے ساحل کے شما ل مغرب کی طرف پیش قدمی کرے گااور 30اپریل کی شام شمالی تامل ناڈو اور جنوبی آندھراپردیش کے ساحل سے ٹکرائے گا۔