بارہ بنکی میں نئے تعلیمی سال کا آغاز

ریاست اترپردیش میں گرمی کی تعطیل کے بعد نئے تعلیمی سال کا آغاز ہو گیا ہے۔

اترپردیش کے بارہ بنکی میں گرمائی تعطیلات کے بعد آج تعلیمی سال 20-2019 کا پہلا دن تھا۔ پہلے دن اسکول کے طلبا میں کافی جوش و خروش دیکھا گیا۔

اس سال سرکاری اسکولز کے مقابلہ خانگی اسکولز میں طلبا کی زیادہ تعداد دکھائی دی۔

تعلیمی سال کے آغاز سے قبل محکمہ ثانوی تعلیم کی جانب سے والدین میں بیادری کی مہم چلائی گئی تھی لیکن اس کا اثر کم دکھائی دیا جبکہ والدین اور سرپرستوں کی جانب سے شکایت موصول ہورہی ہیں کہ ابھی تک بچوں کو کتابیں نہیں ملی ہیں۔