بھاٹ پاڑہ میں حالات اب بھی کشیدہ

مغربی بنگال کے بیرکپورکے بھاٹ پاڑہ ضمنی انتخابات کے بعد بھاٹ پاڑہ اور اس کے اطراف میں اب بھی دہشت کاماحول ہے ۔

شمالی 24 پر گنہ کے بھاٹ پاڑہ اسمبلی میں کل ضنمی انتخابات کے دوران ترنمول کانگریس اور بی جے پی کے کارکنان کے درمیان جھڑپ کے دوران بم بازی کی وجہ سے دہشت کاماحول ہے۔

بھاٹ پاڑہ اور اس کے اطراف میںسڑکوں پر گاڑیوں کی آمد رفت سست ہے۔بازارمیں زیادہ تردکانیں بند ہیں۔بی جے پی کے رہنما ارجن سنگھ نے کہاکہ ترنمول کانگریس کے امیدوار مدن مترا کی وجہ سے یہاں دہشت کا ماحول ہے۔مدن مترا جہاں بھی جاتے ہیں وہاں کا ماحول بگڑ جاتاہے۔انہوں نے مزید کہاکہ 23 مئی کے بعد مغر بی بنگال میں بہت کچھ بدل جا ئے گا۔بی جے پی کی سیٹیں بڑھنے سے بنگال میں سنڈیکٹ اور غنڈہ راج کا خاتمہ ہوجائے گا۔