اننت ناگ میں کرفیو

جنوبی کشمیر کے ضلع پلوامہ کے ترال علاقے میں گذشتہ شام عسکریت پسندوں اور سکیورٹی فورسز کے درمیان تصادم میں ذاکر موسی کی ہلاکت کی خبر پھیلتے ہی اننت ناگ قصبے میں حالات کشیدہ ہوئے ۔

ضلع کے مختلف مقامات پر سکیورٹی فورسز اور نوجوانوں کے درمیان جھڑپیں ہوئیں ۔تاہم جھڑپوں کے دوران کسی جانی یا مالی نقصان کی اطلاع نہیں ہے۔

انتظامیہ کی جانب سے اننت ناگ قصبے میں کرفیو کا نافظ کیا گیا ہے۔شہر کی طرف جانے والے تمام راستوں کو مکمل طور سیل کر دیا گیا ہے ۔

شہر کے حساس مقامات پر سکیورٹی فورسز کے اضافی دستے قائم کئے گئے ہیں اور انٹرنیٹ سروس کو بھی معطل کیا گیا ہے ۔

ضلع اننت ناگ میں تمام بازار بند پڑے ہیں اور سڑکوں سے ٹریفک بھی متاثر ہے۔آخری اطلاع ملنے تک ضلع میں حالات قابو میں ہے۔