ورلڈ کپ میں پاکستان کے بائیکاٹ کا مطالبہ کئی بھارتی کرکٹرز کر چکے ہیں۔
لوک سبھا انتخابات میں دہلی سے جیت حاصل کرنے والے سابق بھارتی بلے باز گوتم گمبھیر نے بھارت اور پاکستان کے درمیان میچ کو منسوخ کرنے کی تجویز پیش کیا اور دونوں ٹیموں کے مابین کسی طرح کے کھیل منعقد نہ کرائے جانے کا مطالبہ کیا تھا۔
ان کے اس مطالبے اور تجویز پر پاکستان کے دھماکے دار بلے باز شاہد آفریدی نے رد عمل کا اظہار کرتے ہوئے نہ صرف گمبھیر پر سخت تنقید کی بلکہ انہوں نے بھارتی کرکٹر کی اس تجویز کو 'احمقانہ' بھی قرار دیا۔
انہوں نے کہا کہ،' گوتم نے جو کہا ہے کیا وہ کسی سمجھ بوجھ رکھنے والے انسان سے توقع کی جاسکتی ہے؟ کیا ایک سمجھدار انسان ایسی بات کہے گا؟ کیا تعلیم یافتہ لوگ اس طرح کی بات کرتے ہیں؟'۔
خیال رہے کہ بھارت اور پاکستان کے درمیان عالمی کپ کا میچ 16 جون کو مانچیسٹر میں کھیلا جائے گا۔
