چمکی بخار سے اموات میں اضافہ، آر جے ڈی کا احتجاج

بہارمیں چمکی بخار (ایکیوٹ انسفلائیٹس سنڈروم ۔اے ای ایس ) سے ہورہی بچوں کی اموات کو روکنے میں نتیش حکومت کی ناکامی پر آج راشٹریہ جنتادل کے راج بھون مارچ میں کارکنان اور پولیس کے درمیان دھکا مکی ہوئی۔

ویر چند پٹیل شاہراہ پر واقع آر جے ڈی کے ریاستی دفتر سے طلبا ونگ کے کارکن نے ریاستی صدر کی قیادت میں مارچ نکالا گیا۔
مارچ کے آئیکر چوراہے پر پہنچتے ہی وہاں بڑی تعداد میں موجود پولیس کے جوانوں نے اسے آگے جانے روک دیا۔ اس کے بعد پولیس اور آرجے ڈی کے طلبا کارکنان کے درمیان کچھ دیر تک دھکا مکی ہوتی رہی۔
اس دوران آئیکر چوراہے کے نزدیک کچھ دیر کیلئے آمدورفت متاثر رہی۔ مارچ کو آگے بڑھنے سے روکے جانے پر مشتعل کارکنان نے مخالفت حکومت نعرے لگائے۔
بعدازاں پولیس نے مارچ میں شامل گیارہ رکنی وفد کو راج بھون جانے کی اجازت دی جس کے بعد آر جے ڈی کے کارکن واپس لوٹ گئے۔