امیٹھی میں راہل گاندھی کی پرچہ نامزدگی

کانگریس پارٹی کے صدر راہل گاندھی نے امیٹھی حلقہ پارلیمان سے پرچہ نامزدگی داخل کردیا۔ اس سے قبل امیٹھی کے گوری گنج سے ایک روڈ شو نکالا گیا۔

راہل گاندھی نے آج امیٹھی کے ضلع کلکٹریٹ میں اپنا پرچہ نامزدگی داخل کردیا۔ اس موقع پر ان کے ساتھ یو پی اے کی صدر نشین سونیا گاندھی، جنرل سکریٹری پرینکا گاندھی بھی موجود تھے۔

اس سے قبل نکالے گئے روڈ شو میں 'چوکیدار چور ہے' کے نعرے لگائے گئے۔

اس روڈ شو میں راہل گاندھی کے ساتھ ان کی ماں سونیا گاندھی، جنرل سکریٹری پرینکا گاندھی اور ان کے شوہر رابرٹ واڈرا بھی موجود تھے۔

یہ روڈ شو گوری گنج کے وی مارٹ سے شروع ہوا اور کلکٹریٹ تک جاری رہے گا۔