ایک نجی بینک کی زیر نگرانی اس پارک میں عید کے دوران قصبہ پلوامہ کے علاوہ نواحی بستیوں کے ہزاروں بچے والدین کے ہمراہ یہاں آکر لطف اندوز ہوتے ہیں۔
حالات کیسے بھی ہوں یہاں اس پارک میں ان کا کوئی اثر نہیں پڑتا۔
اس پارک میں نہ تو بچوں کو کسی حادثے کا نہ ہی حالات کے خراب ہونے کا اثر پڑتا ہے۔ یہاں بچے بہ حفاظت دن گزارتے ہیں۔
پارک منتظمین کے پاس موجود ریکارڈ کے مطابق گزشتہ تین روز کے دوران یہاں بارہ ہزار کے قریب بچے داخل ہوئے ہیں۔
پارک انتظامیہ بچوں سے دس دس روپیہ جبکہ بالغ افراد سے بیس روپیہ فی کس وصول کئے جاتے ہیں، جبکہ پارک میں بچوں کی دلجوئی اور تفریح کے ساتھ ساتھ قریباً ہر قسم کی سہولیات دستیاب ہیں۔
واضح رہے کہ ماضی میں عید کے دوران قصبہ میں متعدد حادثات رونما ہوئے جبکہ دو بار فائرنگ بھی ہوئی، جس سے حالات کافی خراب ہوئے تھے۔ تاہم گزشتہ دو برسوں کے دوران ایسا کوئی حادثہ رونما نہیں ہوا۔
والدین اپنے بچوں کو یہاں لانے کو ہی ترجیع دیتے ہیں۔