خاتون ڈاکٹر کی خودکشی کے خلاف احتجاج

خاتون ڈاکٹر کی خودکشی کے بعد آ ج ممبئی کے نائر ہسپتال کے ملازمین نے خاطیوں کے خلاف کارروائی کی مانگ کرتے ہوئے مظاہرہ کیا۔

ممبئی کے نائر اسپتال میں ایک خاتون ڈاکٹر نے خودکشی کی ہے خودکشی کی اس واردات کو لیکر مقامی پولیس تھانے نے کیس درج کرلیا ہے۔

مظاہرہ کررہے ملازمین کا کہنا ہے کہ خود کشی کرنے والی ڈاکٹر پسماندہ طبقے سے تعلق رکھتی تھی جس کی وجہ سے اسے اسپتال کے دیگر ڈاکٹروں نے اس کی ریگنگ کی اور اس کی ذات پر فقرے کسے جس کی وجہ سے خاتون ڈاکٹر نے خودکشی کرلی۔

خودکشی کرنے والی ڈاکٹر کا نام پائل تڑوی بتایا جا رہا ہے، جانکاری میں اس بات کا پتا چلا ہے کہ سینیر ڈاکٹر انھیں کافی پریشان کر رہے تھے جس کی وجہ سے وہ ذہنی مریض ہوگئی تھیں اور مجبور ہو کےخودکشی کا راستہ اپنایا۔

مقامی پولیس نے کیس درج کر معاملے کی تحقیقات شروع کردی ہے لیکن اب تک کسی کی گرفتاری عمل میں نہیں آئی ہے۔