جامعہ ملیہ:تقسیم اسناد تقریب میں صدر جمہوریہ مدعو

معروف یونیورسٹی جامعیہ ملیہ اسلامیہ کے تقسیم اسناد تقریب میں شرکت کے لیے صدر جمہوریہ رام ناتھ کووند کو مدعو کیا گیا ہے۔

جامعہ کی وائس چانسلر پروفیسر نجمہ اختر نے صدر جمہوریہ رام ناتھ کووند سے ملاقات کی۔ اس ملاقات کے دوران انہوں نے جامعہ کے تعلیمی اور انتظامی امور کو بہتر بنانے کے لیے انہیں جامع کی سرگرمیوں اور پیش رفت کے تعلق سے آگاہ کرایا۔

اس ملاقات کے تعلق سے نجمہ اختر کا کہنا ہے کہ صدر جمہوریہ جامعہ کے لیے خصوصی ہمدردی رکھتے ہیں۔ انہوں نے جامعیہ کو مزید ترقی یافتہ بنانے کے لیے اہم مشورے دیے۔

پروفیسر نجمہ نے صدر جمہوریہ کے مشورے کی ستائش کی۔ اس کے ساتھ ہی انہوں نے صدرجمہوریہ سے سپیشل گرانٹ کا مطابلہ بھی کیا۔

جامعہ کی پہلی خاتون وائس چانسلر نے بتایا کہ انہوں نے صدر جمہوریہ سے جامعہ کا میڈیکل کالج قائم کرنے کے لیے یوپی کی حکومت سے زمین کی درکار کے تعلق سے بھی اہم بات چیت کی۔