مغر بی بنگال میں سیاسی اتھل پتھل کے درمیان ایس ایس کے اور ایم ایس کے ٹیچروں نے اپنے مطالبات کو لے کر بکاش بھون کے سامنے احتجاج کیا اور بریکیڈ توڑکر دفتر میں داخل ہونے کی کوشش کی ۔
پولیس نے حالات کو قابو میں کرنے کے لیے ٹیچروں پر لاٹھی چار ج کیا۔ پولیس اور ٹیچروں کے درمیان ہاتھا پائی میں درجنوں افراد زخمی ہو گئے۔
پولیس کاکہنا ہے کہ ٹیچروں نے احتجاج کے دوران پولیس بریکیڈ توڑ کر ریاستی تعلیمی وزیرپارتھوچٹر جی کے دفتر میں زبردستی داخل ہونے کی کوشش کی ۔
پولیس نے جب انہیں روکنے کی کوشش کی تو انہوں نے ہاتھا پائی شروع کردی۔پولیس کو مبجوراًلاٹھی چارج کرنا پڑا۔
ٹیچروں کاکہنا ہے کہ وہ اپنے جائز مطالبات کو کسی بھی قیمت پر منوانا چا ہتے ہیں۔ ریاستی وزیر تعلیم پارتھو چٹر جی سے ملاقات کرکے مسئلے کا حل نکالنا چا ہتے ہیں۔
انہوں نے کہاکہ پولیس نے پر پہلے لاٹھی چارج کیا اور اس کے بعد ہمارے کئی ساتھیوں کو حراست میں لے لیا۔