اپوزیشن پارٹی کے رہنما عبدالمنان کاکہنا ہے کہ وزیراعلیٰ ایک ذمہ دارشخصیت ہیں۔ انہیں بیان دینے سے پہلے دس بار سوچ لینا چاہئے تھا۔
انہوں نے کہاکہ ترنمول کانگریس کی سربراہ ممتابنرجی نے میٹنگ کے دوران اپنے کونسلرز اور کارکنان کو سرکاری سکمیوں میں لی گئی رشوت کوواپس کرنے کی ہدایت دی تھی۔
انہوں نے کہاکہ حکمراں جماعت کی سپریمو کو پہلے سے پتہ تھا کہ ان کے کارکنان سرکاری اسکیموں میں عام رشوت لیتے ہیں۔ پارٹی کی سربراہ پر فرض بنتا ہے کہ عام لوگوں کوان کی رقم واپس کرے۔
واضح رہے کہ ترنمول کانگریس کی صدر ممتابنر جی کے رشوت واپس کرنے کے بیان کے بعد سے ترنمول کونسلرز اور کارکنان کی پریشانیوں میں اضا فہ ہوا ہے ۔
عام لوگ ترنمول کانگریس کے کونسلرز اور کارکنان کے گھروں کے سامنے احتجاج کر تے ہوئے سرکاری سکیموں کے لیے دی گئی رشوت کو واپس کرنے کا مطالبہ کر تے ہیں۔
