نصرت جہاں کواپنی جیت کا پورایقین

مغربی بنگال کے بشیرہاٹ پارلیمانی حلقے سے ترنمول کانگریس کی امیدوار نصرت جہاں نے ووٹ ڈالنے کے بعد اپنی جیت کا دعویٰ کیا ہے۔

مغر بی بنگال میں نو پارلیمانی حلقوں میں جاری پولنگ کے دوران ترنمول کانگریس کی امیدوارنصرت جہاں نے بالی گنج کے ماڈل ہائی اسکول میں واقع پولنگ مرکز پر ووٹ ڈالے۔

نصرت جہاں نے کہاکہ جمہوریت کے سب سے بڑے تہوار میں ووٹ ڈال کرجشن منانا چاہئے۔ ہمارے لیے یہ سب سے بڑا تہوار ہے ۔نامہ نگاروں سے بات چیت کر تے ہوئے کہاکہ بشیرہاٹ پارلیمانی حلقے سے میری جیت یقینی ہے۔ بشیر ہاٹ کے لوگ مجھے جیت دلارہے ہیں۔ انہوں نے مجھے جس طرح سے حمایت کی ہے اس سے لگتا ہے کہ اپوزیشن کی ضمانت ضبط ہو جائے گی۔ترنمول کانگریس کی امیدوار نے مزید کہاکہ لوگوں کو زیادہ سے زیادہ تعداد میں ووٹ ڈالنے کی ضرورت ہے۔ لوگ جتنا ووٹ ڈالیں گے اپوزیشن کی کمرٹوٹ جائے گی۔