بی جے پی کے سینئر رہنما لال کرشن اڈوانی اور متعدد مرکزی وزرا پارٹی کے ترجمان شاہنواز حسین کی رہائش گاہ پر منعقدہ تقریب میں شریک ہوئے۔
اقلیتی امور کے وزیر مختار عباس نقوی کی رہائش گاہ پر منعقد عید ملن تقریب میں کئی مرکزی وزرا اور حکام نے حصہ لیا۔
مودی کابینہ کے وزرأ کی عید ملن تقریب
بھارتیہ جنتا پارٹی کے متعدد سینئر رہنما اور مرکزی وزرا نے پارٹی کے رہنماؤں کی جانب سے منعقد عید ملن تقریب میں حصہ لیا اور لوگوں کو عید کی مبارکباد دی۔
مختار عباس نقوی
وزیر دفاع راجناتھ سنگھ، وزیر خزانہ نرملا سیتارمن، وزیر خارجہ ایس جے شنکر، وزیر قانون روی شنکر پرساد، ریلوے کے وزیر پیوش گوئل، انسانی وسائل کو فروغ کے وزیر رمیش پوکھریال نشنک، جل شکتی کے وزیر گجیندر سنگھ شیخاوت اور وزیر ثقافت پرہلال پٹیل نے نقوی اور حسین کی جانب سے منعقدہ عید ملن تقریب میں شرکت کی۔
مویشی پروری، ڈیری اور ماہی پروری کے وزیرمملکت سنجیو بالیان، صحت اور خاندانی فلاح و بہبود کے وزیر اشونی کمار چوبے، وزیرمملکت وی کے سنگھ اور انوراگ ٹھاکر نے بھی دونوں تقاریب میں جاکر اپنی نیک خواہشات دیں۔
دارالحکومت دہلی میں صبح سے ہی عیدالفطر کی خاصی چہل پہل رہی، نقوی نے صبح کشمیری گیٹ کے نزدیک درگاہ پنجا شریف میں عید کی نماز ادا کی اور ملک میں امن، خوشحالی اور ہم آہنگی کے لیے دعا کی۔