'بھاٹ پاڑہ میں امن جلوس نکالنے کی اجازت نہیں'

شورش زدہ علاقہ بھاٹ پاڑہ میں کانگریس اور سی پی ایم کو امن جلوس نکالنے کی پولس انتظامیہ نے اجازت نہیں دی ہے۔ سیاسی پارٹیوں نے پولیس کےاس فیصلے کے خلاف ناراضگی کا اظہار کیا۔

گزشتہ روز سی پی آئی ایم اور کانگریس کے مشترکہ طور پرامن جلوس کے دوران سیاسی پارٹیوں کے حامیوں اور پولیس کے درمیان تصادم آرائی ہوئی تھی جس میں چند افراد زخمی ہو گئے۔

پولس انتظامیہ کے مطابق پورے علاقے میں دفعہ144نافذ ہونے کی وجہ سے جلوس نکالنے کی اجازت نہیں دی جاسکتی ہے۔سیاسی پارٹی کو معلوم ہونا چا ہیے کہ متاثرہ علاقے میں دفعہ 144 نافذ ہے۔کوئی اس کی خلاف ورزی نہیں کرنے سکتاہے۔

انہوں نے کہاکہ بھاٹ پاڑہ میں حالات معمول پرآرہے ہیں۔ چند دنوں میں سب کچھ ٹھیک ہوجائے گا۔ کسی بھی سیاسی جماعت کوامن جلوس کے نام پر حالات بگاڑنے کی اجازت نہیں دی جاسکتی ہے۔

اس جلوس میں کانگریس کے لیڈر سومن مترا، بایاں محاذ کے چیرمین بمان بوس اور سی پی ایم کے ریاستی سیکریٹری سوریہ کانت مترا شریک ہونے والے تھے۔