نیوزی لینڈ مساجد میں فائرنگ: دہشت گرد کا چہرہ دکھانے کی اجازت

نیوزی لینڈ کی عدالت نے مساجد پر حملہ کرنے والے مسلمانوں کے قاتل برینٹن ٹیرنٹ کے چہرہ کو کھلے عام دکھانے کی اجازت دیدی۔

نیوزی لینڈ کی دو مساجد میں نماز جمعہ کے وقت ٹیرنٹ نے اندھادھند فائرنگ کرتے ہوئے 51 مسلمانوں کو ہلاک کردیا تھا۔

مارچ میں ہوئے دہشت گرد حملے کے بعد آسٹریلیائی نژاد ٹیرنٹ کو گرفتار کیا گیا تھا جس کے بعد اس کی تصویر کو کھلے عام چھاپنے یا دکھانے پر پابندی لگائی گئی تھی۔

عدالت نے دہشت گرد کی مسخ شدہ تصویر کو ہی شائع کرنے کی ہدایت دی تھی۔

اطلاعات کے مطابق ہائیکورٹ نے ٹیرنٹ کی فوٹو پر لگی پابندی کو ہٹادیا۔

کرائسچرچ کی دو مساجد میں فائرنگ کے 51 مسلمانوں کو ہلاک کرنے والے دہشت گرد برینٹن ٹیرنٹ پر نیوزی لینڈ میں مقدمہ چل رہا ہے۔