اس موقع پر انہوں نے میڈیا سے بات کرتے ہوئے کہا کہ 'کشمیری امن پسندی اور مہمان نوازی کے لیے پوری دنیا میں جانے جاتے ہیں مگر کچھ لوگ اس کا ناجائز فائدہ اٹھا کر یہاں کے امن و امان کو درہم برہم کرنے کی کوشش کرتے ہیں جس کی انہیں کبھی بھی اجازت نہیں دی جائے گی'۔
سرینگر-جموں قومی شاہراہ کو ہفتے میں دو دن عوام کیلئے بند رکھنے کے بارے میں انہوں نے کہا کہ مرکزی حکومت کا مقصد کشمیری عوام کی مشکلات کو کم کرناہے نہ کہ انھیں اذیت دینا۔
دورے کے دوران گورنر نے کئی اعلیٰ افسران کے ہمراہ تعمیراتی کاموں کا بھی جائزہ لیا اور باغ گلہ لالہ کی تعریف کرتے ہوئے انہوں نے کہا کہ یہ ان کی دلی خواہش تھی کہ وہ باغ گلہ لالہ(تولیپ گارڈن) کی خوبصورتی کا نظارہ کریں۔