جنوبی کشمیر کے اونتی پورہ علاقے میں واقع بارہگام گاؤں کی ایک دوشیزہ کی پر اسرار حالت میں موت کے بعد پولیس نے معاملے کے تعلق سے کیس درج کر کے تحقیقات شروع کردی ہے۔
تفصیلات کے مطابق بارہگام اونتی پورہ کی رہنے والی ایک کمسن دوشیزہ کو گھر والوں نے اونتی پورہ پی ایچ سی میں علاج و معالجے کے لیے بھرتی کیا جہاں ڈیوٹی پر تعینات ڈاکٹر نے اسے مردہ قرار دے دیا۔
اطلاعات کے مطابق دوشیزہ کی گردن پر زخم کے نشان تھے اور اس کی پراسرار حالت میں موت کی وجہ سے طرح طرح کی چے می گوئیاں ہو رہی ہیں۔
اس طرح ایس ایس پی اونتی پورہ طاہر سلیم نے ای ٹی وی بھارت کے ساتھ بات کرتے ہوئے واقعے کے تعلق سے کیس درج کر کے تحقیقات شروع کردی ہے۔
دوشیزہ کا پوسٹ مارٹم ایس ڈی ایچ پامپور میں کیا جا رہا ہے جسکے بعد پراسرار موت کا معمہ حل ہو سکتا ہے.