امریکی انتخابات میں روس سے کوئی سازش نہیں:ملر

امریکی صدر ڈونلڈ ٹرمپ کے مشیر خاص رابرٹ ملر نے ایک رپورٹ میں دعویٰ کیا ہے کہ امریکہ کی صدارتی انتخابات میں روس کے ساتھ سازش نہیں کی گئی تھی۔

امریکی صدر ڈونلڈ ٹرمپ کے متعلق میں خصوصی مشیر رابرٹ ملر کی جانب سے امریکی کانگرس میں ایک رپورٹ جمع کروائی گئی، جس میں یہ دعویٰ کیا گیا ہے کہ ٹرمپ کی صدارتی مہم میں روس کے ساتھ سازش نہیں کی گئی تھی۔

خیال رہے کہ اس رپورٹ کے خلاصے میں کسی حتمی نتیجے تک نہیں پہنچا گیا کہ کیا صدر ٹرمپ نے غیر قانونی طور پر انصاف کی راہ میں رکاوٹ کھڑی کی اور نہ ہی اس میں صدر کو بے گناہ قرار دیا گیا ہے۔

واضح رہے کہ اٹارنی جنرل ولیم بار نے اس رپورٹ کا خلاصہ کانگرس کے لیے تیار کیا ہے۔

اس رپورٹ کے خلاصے کے سامنے آنے کے بعد صدر ٹرمپ نے سوشل میڈیا پر اپنے ٹوئٹ میں لکھا کہ 'کوئی نتیجہ نہیں، کوئی رکاوٹ نہیں، میں مکمل طور پر بری الذمہ ہوں۔ امریکہ کی عظمت کو قائم رکھیں'۔

صدر ٹرمپ جو کہ اس تحقیقات کو شروع سے ہی الزام تراشی قرار دے رہے تھے، انہوں نے اتوار کو یہ رپورٹ منظرعام پر آنے کے بعد کہا کہ یہ بے حد شرمناک ہے کہ ملک کو ان سب سے گزرنا پڑا۔ انھوں نے کہا کہ یہ تفتیش غیر قانونی تھی جو ناکام ہو گئی۔

یاد رہےکہ یہ رپورٹ دو برس تحقیقات کا خلاصہ ہے، اس میں صدر ٹرمپ کے قریبی رفقا سے تفتیش کی گئی، جبکہ کچھ کیسز میں لوگوں کو قید بھی ہوئی۔

انھوں نے اپنی رپورٹ میں لکھا کہ اگرچہ اس رپورٹ میں حتمی طور پر یہ نتیجہ سامنے نہیں آیا کہ صدر نے کوئی جرم کیا ہے لیکن یہ انھیں بری الذمہ بھی قرار نہیں دیتی۔

خلاصے کے مطابق 'مشیر خاص کو ٹرمپ کی صدارتی مہم یا کسی بھی امریکی شخـص کے روس کے ساتھ سازش کرنے یا رابطہ کرنے سے متعلق معلوم نہیں ہوا'۔

واضح رہےکہ اس رپورٹ کے دوسرے حصے کے مطابق انصاف کی راہ میں رکاوٹ ڈالنے کے حوالے سے بات کی گئی ہے، جس میں بتایا گیا ہے کہ اس میں اس بات کا عزم ہے کہ روایتی فیصلے نہیں کیے جائیں۔

رپورٹ کے آخر میں بار نے لکھا کہ وہ اس سے متعلق اور بھی معلومات جاری کریں گے، لیکن کچھ مواد ایسا بھی ہے جس پر پابندی ہے۔