سادھوی پرگیہ ہیمنت کرکرے کو شہید کیوں نہیں مانتی؟

سنہ 2008 میں ہوئے مالیگاوں بم بلاسٹ کیس میں ہیمنت کرکرے نے ہی سادھوی پرگیہ کو گرفتار کیا تھا اور 'بھگوا دہشت گردی' کی اصطلاح استعمال کی تھی۔

بھوپال سے بی جے پی کی امید وار سادھوی پرگیہ سے جب میڈیا نے ہمینت کرکرے کے بارے میں پوچھا کہ 'آپ ہیمنت کرکرے کے بارے میں کیا کہتی ہیں، جس نے آپ کو گرفتار کیا تھا۔

اس سوال کے جواب میں سادھوی نے کہا کہ 'میں ممبئی حملے میں مارے گئے اے ٹی ایس چیف ہیمنت کرکرے شہید نہیں ہوئے ہیں'۔

واضح رہے کہ مالیگاؤں بم بلاسٹ کی قلیدی ملزمہ سادھوی پرگیہ کی موٹر سائیکل ہی موقع واردات سے برآمد کی گئی تھی، جس کی وجہ سے ملزموں تک پہنچنا ممکن ہوسکا تھا، اور بعد میں ہیمنت کرکرے نے انہیں گرفتار کرلیا تھا۔

الیکشن کمیشن سے شکایت کے بعد مالیگاؤں کی ملزمہ سادھوی پرگیہ سنگھ ٹھاکر نے کہا کہ کچھ لوگ 'سنیاسی' سے ڈرتے ہیں۔

ریاست مدھیہ پردیش میں بی جے پی کی طرف سے مالیگاؤں بلاسٹ کیس کی کلیدی ملزم سادھوی پرگیہ کو امیدوار بنائے جا نے کے بعد بھوپال پارلیمانی سیٹ سرخیوں میں ہے۔

پرگیہ سنگھ ٹھا کر کو کانگریس کے امیدوار اور سینیئر رہنما دگ وجے سنگھ کے خلاف میدان میں اتارا گیا ہے۔

ایک سوال کے جواب میں سادھوی نے کہا کہ ' ممبئی حملے میں مارے گئے اے ٹی ایس چیف ہیمنت کرکرے کو شہید نہیں مانتیں۔

انہوں نے مزید کہا کہ سیاست میں کچھ لوگ سادھوی، اور سنیاسی سے ڈرتے ہیں، اب سوال یہ اٹھتا ہے کہ سادھوی پرگیہ کیا دگ وجے سنگھ کو اس انتخابات شکست دے پائیں گی؟