بیٹے کے ہاتھوں ماں کا قتل

اترپردیش کے شہر پریاگ راج کے کودھیا یارا علاقے میں گزشتہ روز ایک نوجوان نے صرف 50 روپئے کے لیے اپنی ماں کا بے رحمی سے قتل کردیا۔

پولیس ذرائع کے مطابق مشرا باندھ علاقے کے رام پیاری (55) کا بیٹا کنور بہادر پیسہ نہ ملنے کی وجہ سے ماں سے ناراض تھا۔ اس نے اپنی والدہ سے صبح 50 روپئے خرچ کے لیے مانگے تھے جس کے انکار کرنے پر اس نے پھاوڑے سے ماں کے سر پر حملہ کردیا، جس سے اس کی موقع پر ہی موت ہو گئی۔پولس نے ملزم بیٹے کو گرفتار کرلیا ہے۔