سلنڈر دھماکے میں ماں بیٹی ہلاک

اترپردیش میں ضلع بہرائچ کے نیپال سرحد سے متصل مرتها کوتوالی علاقے میں شادی کی تقریب میں کھانا بناتے وقت گیس سلنڈر پھٹنے سے لگی آگ میں ایک خاتون اور اس کی بیٹی کی موت ہوگئی۔

جبکہ گاؤں میں آگ پھیلنے سے 17 گھر جل کر خاکستر ہوگئے۔
پولیس ترجمان نے بدھ کو یہاں یہ اطلاع دی۔ انہوں نے بتایا کہ بھارت۔ نیپال سرحد سے متصل مرتها کوتوالی علاقے کے سالارپور گاؤں میں منگل کو لکشمن پرساد کی بیٹی کی شادی تھی۔
براتيوں کے لئے کھانا بنایا جا رہا تھا۔ شام تقریباً ساڑھے تین بجے اچانک سلنڈر سے گیس لیک ہوئی جس سے آگ گاؤں میں پھیل گئی۔ انہوں نے بتایا کہ آگ پر قابو پانے سے پہلے ہی سلینڈر پھٹ گیا اور پنڈال میں آگ لگ گئی۔
انہوں نے بتایا کہ اس حادثے میں وہاں موجود سریش کی 40 سالہ بیوی منی دیوی اور اس کی 12 سالہ بیٹی کرشمہ شدید طور سے جھلس گئیں۔
اسپتال لے جانے سے پہلے ہی دونوں کی موت ہوچکی ۔انہوں نے بتایا کہ تیز ہوا کے سبب آگ گاؤں میں پھیل گئی، جس سے 17 گھر جل گئے۔اطلاع ملنے پر مسلح سر حدی فورس (ایس ایس بی) کیمپ مرتها انچارج ابھیشیک کمار جوانوں کے ساتھ آگ بجھانے میں مدد کی۔
اس دوران نیپال کے گلرها سے فائر بریگیڈ گاڑیاں پہنچیں اور فائر بریگیڈ کے اہلکاروں نے سخت مشقت کے بعد آگ بجھائی۔