بنگال کو گجرات بننے نہیں دوں گی:ممتا بنرجی

مغر بی بنگال کی وزیر اعلیٰ ممتا بنر جی نے کہاکہ میرے رہتے ہوئے نریندر مودی کبھی بھی بنگال کو گجرات بنانہیں پائیں گے۔مودی حکومت کے خلاف میرے پاس پختہ ثبوت ہیں۔

انہوں نے کہاکہ مغر بی بنگال میں نریندر مودی مرکزی فورسز کی مد دسے ریاست کو گجرات بنانے کی کوشش میں مصروف ہیں۔ ان کی یہ کوشش میرے رہتے ہو ئے کبھی کامیاب نہیں ہوگی۔
مغر بی بنگال کی وزیر اعلیٰ کاکہناہے کہ بھارت کی ہرریاست میں عام انتخابات ہو رہے ہیں مگر ریاست مغر بی بنگال کو خاص طور پر نشانہ بنایا جا رہاہے۔
اس مرتبہ عام انتخابات کے دوران مغر بی بنگال میں سب زیادہ مرکزی فورسز کی ریکارڈ توڑ تعیناتی ہوئی ہے۔اس سے پتہ چلتاہے کہ مغر بی بنگال کو کس طرح سبتوژ کیا جارہا ہے۔
مرکزی فورسز کا کام پُرامن طریقے سے انتخابات کرنا ہے۔ لیکن مرکزی فورسز کے جوان خود ووٹرز کو ڈرادھمکانے کا کام کررہے ہیں۔
ممتابنرجی نے کہاکہ مودی کی قیادت والی مرکزی حکومت کے خلاف میرے پاس پختہ ثابت ہے۔ میرے پاس جو پین ڈرائیو ہے اگر اسے میڈیا کے حوالے کردوں تو مودی حکومت ایک دن اقتدار میں نہیں رہ سکتی ہے۔