میر واعظ این آئی اے کے روبرو حاضر ہونے کے لیے تیار

ریاست جموں و کشمیر میں حریت کانفرنس کے چیرمین میر واعظ مولوی محمد عمر فاروق نے قومی تحقیقاتی ایجنسی کی جانچ میں تعاون کرنے کے لیے دہلی جانے کا فیصلہ کیا۔

اس حوالے سے محمد عمر فاروق نے پیر کو دہلی جانے کا فیصلہ کیا ہے۔جس میں عوامی ایکشن کمیٹی کے دوسرے رہنما بھی میر محمد عمر فاروق کے ہمراہ ہوں گے۔

این آئی اے نے ٹیرر فنڈنگ کی تحقیقات کے لیے میر واعظ کو دلی طلب کیا ہے۔

اس بات کی جانکاری عوامی ایکشن کمیٹی کے چیرمین کی صدارت میں ہوئے ایک اجلاس کے بعد کیا گیا۔ جو میر واعظ عمر فاروق کے رہائشی گاہ واقع نگین میں منعقد کیا گیا۔

واضح رہے کہ قومی تحقیقاتی ایجنسی این آئی اے نے ٹرر فنڈنگ کے تعلق سے علیحدگی پسند رہنما اور عوامی ایکشن کمیٹی کے چیرمین محمد عمر فاروق کو پوچھ گچھ کے لیے تیسری بار دہلی طلب کیا ہے۔

جبکہ اس پہلے بھی دو مرتبہ این آئی اے کی جانب سے پوچھ تاچھ کے لیے محمد عمر فاروق کو دہلی طلب ہونے پر دو سمن جاری کی جا چکی ہیں۔