مراٹھواڑہ: کورونا کے 485 نئے کیسز، 19 اموات

تمام ضلع صدرمقامات سے جمع کئے گئے اعدادو شمارمطابق خطے کے آٹھ اضلاع میں سے ضلع بیڑ سب سے زیادہ متاثر رہا، جہاں 173 نئے کیسز سامنے آئے اور ایک کی موت ہوگئی۔

مہاراشٹر کے مراٹھواڑہ خطے میں گزشتہ 24 گھنٹوں کے دوران کووڈ -19 وبا کے 485 نئے کیسز سامنے آئے ہیں اور 19 مریضوں کی موت ہوگئی ہے۔طبی حکام نے اتوار کے روز یہ اطلاع دی۔

تمام ضلع صدرمقامات سے یواین آئی کی جانب سے جمع کئے گئے اعدادو شمارمطابق خطے کے آٹھ اضلاع میں سے ضلع بھیڑ سب سے زیادہ متاثر رہا، جہاں 173 نئے کیسز سامنے آئے اور ایک کی موت ہوگئی۔

اس کے بعد اورنگ آباد ضلع متاثر رہا، جہاں انفیکشن کے 114 نئے کیسز سامنے آئے اور آٹھ افراد کی موت ہوگئی۔ وہیں عثمان آباد میں 93 نئے کیسز اور کسی شخص کی موت نہیں ہوئی ، لاتور میں28 نئے کیسز اور پانچ افراد کی موت ہو گئی ۔

اسی طرح جالنہ میں 38 نئے کیسز اور دو افراد کی موت ہوگئی ۔ پربھنی میں 12 نئے کیسز اور تین کی موت ، ناندیڑ میں 24 نئے کیسزاور ہنگولی میں تین نئے کیسز درج کئے گئے ۔ دریں اثنا ریاست میں اس دوران کورونا کے 8،912 نئے کیسز سامنے آنے کے بعد متاثرہ افراد کی تعداد بڑھ کر 59،63،420 ہوگئی ، جبکہ مزید 257 مریضوں کی موت کی وجہ سےمرنے والوں کی تعداد بڑھ کر 1،17،356 ہوگئی۔

یواین آئی