اجیت پوار کورونا سے متاثر

اجیت پوار نے 17 اکتوبر کو شولا پور میں ایک جائزہ اجلاس میں عوامی طور پر شرکت کی تھی۔ جس کے بعد ان کی کورونا کی علامات ملنے کے بعد چار دن پہلے ہی اپنے آپ کو الگ تھلگ کردیا تھا۔

مہاراشٹر کےنائب وزیر اعلی اجیت پوارکا کورونا ٹسٹ مثبت آنے کی وجہ سے انہیں ممبئی کے بریچ کینڈی اسپتال میں داخل کرایا گیا ہے۔یہ اطلاع نائب وزیراعلی نے اپنے ٹوئیٹر اکاونٹ پردی ہے۔

اجیت پوار نے 17 اکتوبر کو شولا پور میں ایک جائزہ اجلاس میں عوامی طور پر شرکت کی تھی۔ جس کے بعد ان کی کورونا کی علامات ملنے کے بعد چار دن پہلے ہی اپنے آپ کو الگ تھلگ کردیا تھا۔مگر پیر کے روز ڈاکٹروں کے مشورے کے بعد انہیں اسپتال میں داخل کرایا گیا۔

اسپتال سے اجیت پوار نے کارکنوں کو ایک پیغام جاری کرتے ہوئے لکھا ’’ میرا کورونا ٹیسٹ مثبت آیا ہے میری حالت ٹھیک ہے۔ احتیاط کے پیش نظر مجھے ڈاکٹر کے مشورے سے بریچ کینڈی اسپتال میں داخل کرایا گیا ہے۔ ریاست کے شہری اور این سی پی کے تمام رہنماؤں نے عہدیداروں اور کارکنوں کوبتاناچاہتا ہوں کہ پریشانی کی کوئی بات نہیں ، میری حالت ٹھیک ہے۔ کچھ آرام کے بعد میں آپ کے ساتھ آؤں گا۔ ‘‘
واضح رہے اجیت پوار نوویں وزیر مملکت ہیں جو کورونا سے متاثر ہوئے ہیں۔ ان سے پہلے ریاستی بالا صاحب پاٹل ،سابق وزیر اعلی اشوک چوان ،وزیر ٹیکسٹائل اسلم شیخ ،وزیر اوئے ساونت ،ہاوسنگ منسٹر جتیندر اہواد ، دھننجئے منڈے ، سنجے بنسود اور عبد الستاربھی انفکشن کے شکارہوچکے ہیں۔ دو دن پہلے سابق سی ایم دیویندر فڑنویس بھی کورونا سے متاثر ہونے کے بعد الگ تھلگ ہیں۔

اسی کے ساتھ مہاراشٹرا میں کورونا انفیکشن 6059 نئے واقعات سامنے آنے کے بعد گذشتہ 24 گھنٹوں کے دوران متاثرہ افراد کی مجموعی تعداد 1645020ہوگئی۔

محکمہ صحت کے مطابق ریاست میں گذشتہ 24 گھنٹوں کے دوران کرونا کے 112 مزید مریضوں کی موت ہوگئی۔ جبکہ ریاست میں اموات کی تعداد بڑھ کر 43264 ہوگئی ہے۔

اس مہلک وبائی بیماری سے صحت یاب ہونے والے5648 افراد کو اسپتالوں سے ڈسچارج کردیا گیا ہے۔ اس کے ساتھ ہی ریاست میں اب تک بازیافت ہونے والے افراد کی تعداد بڑھ کر 1460755ہوگئی ہے۔ جبکہ اس وقت زیرعلاج مریضوں کی تعدا 140486ہیں۔