بی جے پی کا معیار آخر گرتا کیوں جارہا ہے؟

ایک رپورٹ میں دعویٰ کیا گیا ہے کہ برسراقتدار بھارتی جنتا پارٹی کا معیار مسلسل گرتا ہی جارہا ہے۔

پہلے مرحلےکی ووٹنگ کے بعد بھارت کی دو سرفہرست ایجنسیاں مثلاً سینٹر فار دی سٹڈی آف ڈیویلوپنگ سوسائٹی (سی ایس ڈی ایس) اور سی ووٹر نے دعویٰ کیا ہے کہ بی جے پی کا گراف مسلسل گرتا جارہا ہے۔

ان دونوں ایجنسیوں کا ماننا ہے کہ نریندر مودی کی رہنمائی والی این ڈی اے اس بار عام انتخابات میں اکثریت کے آس پاس بھی پہنچتی نظر نہیں آرہی ہے۔

واضح رہے کہ اس بات کا انکشاف سی ایس ڈی ایس کے ڈائریکٹر سنجے کمار نے پہلے مرحلے کی پولنگ کے بعد 'ایشیئن ایج' میں لکھے گئے ایک مضمون میں کیا ہے۔

خیال رہے کہ گذشتہ بار کے مقابلے اس بار کم ووٹنگ ہوئی ہے، اگر ایسا ہی رہا تو بی جے پی کو اتر پردیش میں پہلے مرحلے میںمحض چھ سیٹیں ہی ملنے کے آثار ہیں۔

حالانکہ اس سے قبل لکھے گئے، ایشیئن کے ہی ایک مضمون میں سنجے کمار نے بی جے پی کو اکثریت دکھائی تھی۔

انہوں نے کہا کہ تھا اترپردیش میں 73 سیٹیں حاصل کرنے والی بی جے پی اس بار محض 40 سے 50 سیٹیں ہی حاصل کرپائے گی، لیکن اب ایسی صورتحال مختلف ہے، اگر یہی حال رہا تو بی جے پی کو اترپردیش میں محض 20 سے 25 سیٹیں ہی ملیں گی۔