'ایم آئی ایم کو قائد حزب اختلاف کا عہدہ دیا جائے'

مجلس اتحاد المسلمین کے صدر اسدالدین اویسی نے تلنگانہ اسمبلی میں انکی جماعت کو،لیڈر آف اپوزیشن،کا عہدہ دینے کی اپیل کی۔

اس ضمن میں انھوں نے دہلی اسمبلی کی مثال پیش کرتے ہوئے کہا کہ جہاں بی جے پی کے صرف تین ارکان ہیں مگر انھیں مذکورہ عہدہ دیا گیا۔
جبکہ تلنگانہ اسمبلی میں انکی جماعت کے سات اراکین اسمبلی ہیں اور وہ کانگریس سے زائد ہیں۔
کانگریس سے ایک کے بعد دیگر ارکان کے منحرف ہونے کے سوال پر اسد اویسی نے کہا کہ اسپیکر اسمبلی کو یہ اختیار ہیکہ ارکان اسمبلی جو حکمراں جماعت میں شامل ہونا چاہتے ہیں اسکی منظوری دے سکتا ہے۔