اداکارہ کی شکایت پر تحقیقاتی کمیٹی قائم

کولکاتا پولیس کے ڈی سی ساؤتھ نے اداکارہ اور سابق مس یونیورس انڈیا کی شکایت درج نہ کرنے اور پولیس کے ذریعہ ہراسانی کرنے کے کیس کی تفتیش کے لیے ایک کمیٹی تشکیل دی ہے۔

ڈی سی ساؤتھ معراج خالد نےکہاکہ سابق مس یونیورس انڈیا اوشی سین گپتا نے پولیس کے خلاف ہراسانی کی شکایت درج کرائی تھی۔

ڈی سی ساؤتھ نے کہاکہ اداکارہ کا الزام تھا کہ گزشتہ شب ان کی گاڑی کو کسی نے ٹکر ماردی تھی۔ وہ جب تھانے میں شکایت درج کرانے گئی تو ڈیوٹی پر تعینات پولیس اہلکار نے شکایت درج کرنے سے انکار کردیا تھا۔

انہوں نے کہاکہ اداکارہ نے لال بازار پولیس ہیڈ کوارٹر میں شکایت درج کرائی تھی۔اداکارہ نے میڈیا میں بھی پولیس کے خلاف کئی بیانات دیا تھا۔ ان کی بیان کی بنیاد پر آگے کارروائی کرتے ہوئے تحقیقاتی کمیٹی کی تشکیل کرنے کا فیصلہ کیاگیا۔