مغربی بنگال کی وزیراعلیٰ ممتا بنرجی نے این آر ایس مڈیکل کالج اینڈ ہاسپیٹل میں گزشتہ پانچ دنوں سے جاری ہڑتال ختم کرانے کے لیے جونئیر ڈاکٹروں کو نبنو میں بات چیت کے لیے طلب کیا تھا۔
جونئیر ڈاکٹروں نے میٹنگ کرنے کے بعد وزیراعلیٰ کی پیشکش ٹھکراتے ہوئے کہا کہ مغربی بنگال حکومت کو بات چیت کرنے سے قبل ہمارے مطالبات تسلیم کر لینی چا ہیے۔
انہوں نے کہاکہ ہم جائز مطالبات کر رہے ہیں جسے قبول نہ کرنے والی کون سی بات ہے۔ ہڑتال کے دوران مریضوں اور ان کے رشتہ داروں کو بڑی دشواریوں کا سامناکرنا پڑرہا ہے۔ اس پر بے حد افسوس ہے مگر ہم بھی انسان ہیں۔
پریس کانفرنس کے دوران جونیئر ڈاکٹروں نے کہا کہ سکیورٹی کا اہم مسئلہ ہے ۔ حکومت ڈاکٹروں کی سکیورٹی کو یقینی بنا ئے اورا س کے بعد ہمیں بات چیت کے لیے بلائے تو ہم ضرور جائیں گے۔
مریضوں کاعلاج کرنا ہمارا فرض ہے مگر پر ہم پر جو حملے ہو تے ہیں اسے روکنے کی ذمہ داری کس کی ہے۔