ممتا بنرجی اورجونئیر ڈاکٹروں کے درمیان میٹنگ آ ج

مغربی بنگال کی وزیر اعلیٰ ممتا بنرجی پیر کے روز تین بجے 14 میڈیکل کالج اور ہسپتالوں کے جونیئر ڈاکٹروں کے 28 نمائندوں کے ساتھ نبنو(سیکرٹریٹ بلڈنگ میں ملاقات کریں گی۔

وزیراعلیٰ نے آج دن میں ہی ہڑتال کرنے والے ڈاکٹروں سے بات چيت کی پیشکش قبول کی تھی۔ ملاقات کے دوران چیف سکریٹری، ایڈیشنل پرنسپل سکریٹری اور طبی تعلیم کے ڈائریکٹر بھی موجود رہیں گے۔

مریض کے رشتہ داروں کے حملے میں زخمی ہونے والے ڈاکٹر کی حمایت گزشتہ چھ دنوں سے ہڑتال کر رہے جونیئر ڈاکٹروں نے اس سے پہلے کہا تھا کہ جہاں وزیر اعلی طے کریں گی۔ وہ ان سے اسی مقام پر بات چیت کرنے کے لیے تیار ہیں۔

جونئیر ڈاکٹروں نے کہاکہ وزیراعلیٰ ممتا بنر جی کے ساتھ نبنو میں میٹنگ کے لیے تیار ہیں۔انہوں نے میٹنگ کے دوران ویڈیو گرافی کرنے کا مطا لبہ کیا ۔