سیاسی ریلیوں کے دوران ضابطہ اخلاق کی خلاف ورزی

قوانین کی پاسداری کرنے والوں کے سامنے جب سیاسی پارٹیوں کے لوگ قانون کو نظرانداز کریں تو کیا ان پر انتظامیہ کو کارروائی نہیں کرنی چاہیے؟

ملک میں آج کل انتخابات کی گہما گہمی ہے، اسی ضمن میں ریاست راجستھان کے دارالحکومت جے پور میں پر پرچہ داخل کرنے کے لیے کہیں ریلی تو کہیں میٹنگ یا بڑے پروگرام منعقد کیے جارہے ہیں۔

پرچہ داخل کرنے کے لیے امیدوار اپنے حامیوں کے ساتھ کلکٹریٹ پہنچ رہے ہیں، جس میں قانون کو زبردست نظرانداز کیا جارہا ہے لیکن قانون کے رکھوالے کچھ بھی نہیں کر رہے۔

ایسا ہی ایک نظارہ شہر جےپور میں نظر آیا، جہاں کانگریس امیدوار جیوتی کھنڈیلوال پرچہ نامزدگی داخل کرنے والے تھے اور ریلیوں میں لوگ قانون کی پاسداری کرنے کے بجائے لوگ اس کی دھجیاں اڑا رہے تھے۔

واضح رہے کہ اس ریلی میں موجودہ حکومت میں وزیر اور حکومت کے ذمہ دار لوگ بھی شامل تھے۔

ریلی کے دوران ریاستی وزیر اور ذمہ دار افراد ایک ایک گاڑیوں میں کھڑے ہو کر نعرے بازی کررہے تھے، جس انداز سے وہ گاڑیوں میں سوار تھے اس کو دیکھتے ہوئے واضح طور پر کہا جاسکتا ہے کہ وہ تمام لوگ قانون کی دھجیاں اڑا رہے تھے۔

واضح رہے کہ ای ٹی وی بھارت کے نمائندے نے جب اس متعلق وہاں پر موجود پولیس کے نمائندوں بات کرنی چاہی تو انہوں نے کوئی جواب نہیں دیا، اور کیمرے پر بات کرنے سے انکار کردیا۔