نندا دیوی کے مشرقی علاقے سے اب تک سات لاشیں برآمد

ملکی و غیر ملکی گمشدہ کوہ پیماں کرنے والوں کی تلاش کے لئے 13 جون سے آئی ٹی بی پی کی قیا دت میں آپریشن ڈیر ڈیول شروع کی گئی تھی

نندا دیوی کے مشرق میں گمشدہ ملکی وغیر ملکی کوہ پیماں کرنے والوں کی تلاش اب تک جاری ہے۔

13 جون سے آئی ٹی بی پی کی قیا دت میں شروع ہونے والے آپریشن ڈیر ڈیول کی تلاش میں اب تک کل سات لاشیں مل چکی ہیں۔

اترا کھنڈ کے پیتوراگڑھ میں آئی ٹی بی پی آپریشن کے ذریعہ نندا دیوی کے مشرقی علاقے میں گم شدہ ملکی و غیر ملکی آٹھ لوگوں میں سے اب تک سات لوگوں کی لاش کو ایئر فورس طیارہ کے ذریعہ پتھورا گڑھ ہید کواٹر بھیج دیا گیا ہے، جہا ں سے انہیں پوسٹ مارٹم کیلئے ہلدوانی بھیجا جا ئیگا۔

سرچ اینڈ ریسکیو ٹیم نے نندا دیوی کے مشرق میں تقریبا 20000 فٹ کی اونچائی سے 23 جون تک سات لاشوں کا پتہ چلا لیا تھا ۔
جبکہ اب تک آٹھویں شخص کے متعلق کوئی اطلاع نہیں ملی ہے۔