انگلینڈ کے خلاف آئرلینڈ ٹیم کا اعلان

آئرلینڈ نے انگلینڈ کے خلاف واحد یک روزہ میچ کے لیے ٹیم کا اعلان کر دیا ہے جس میں وکٹ کیپر بلے باز گیری ولسن کی دوبارہ ٹیم میں واپسی ہوئی ہے۔

گیری ولسن آنکھوں کی بیماری کے باعث افغانستان کے خلاف کھیلی گئی سیریز میں ٹیم کی نمائندگی نہیں کر سکے تھے۔

تیز گیندباز اسٹورٹ تھامسن بھی دوبارہ سلیکٹرز کا اعتماد حاصل کرنے میں کامیاب رہے۔جوش لٹل اور لورکن ٹکر کو ڈیبیو دیئے جانے کا امکان ہے۔

واضح رہے کہ یہی ٹیم سہ ملکی ون ڈے انٹرنیشنل سیریز میں آئرش ٹیم کی نمائندگی کرے گی، سہ ملکی سیریز میں میزبان آئرلینڈ کے علاوہ ویسٹ انڈیز اور بنگلہ دیش کی ٹیمیں حصہ لیں گی۔آئرلینڈ اور انگلینڈ کے درمیان واحد ایک روزہ میچ 3 مئی کو کھیلا جائے گا۔

ٹیم
ولیم پورٹرفیلڈ(کپتان)، اینڈریو بلبرائن، جارج ڈوکریل، جوش لٹل، اینڈریو میکبرائن، بیری میکارتھے، جیمز میک کولم، ٹم مورتگ، کیون اوبرائن، بائیڈ رینکن، پال اسٹرلنگ، اسٹورٹ تھامسن، لورکن ٹکر اور گیری ولسن۔