ڈاکٹرز کی ہڑتال،نوزائیدہ بچہ ہلاک

مغربی بنگال میں ڈاکٹروں کی ہڑتال کے دوران مدنی پورہسپتال میں ہڑتال کی وجہ سے مناسب علاج نہ مل پانے کے سبب ایک نوزائیدہ بچے کی موت ہو گئی۔

اس کے والدین نے بچے کی لاش لے کر ان ڈاکٹروں کے سامنے مظاہرہ کیا لیکن شاید اس کا بھی کوئی اثر ان پر نہیں پڑا۔

سب سے افسوسناک بات یہ ہے کہ راجدھانی دہلی کے ایمس اور صفدر جنگ اور دیگر اسپتالوں کے ڈاکٹر ان ہڑتالی ڈاکٹروں کے تئیں یکجہتی کا مظاہرہ کر رہے ہیں۔

مغربی بنگال کی وزیراعلیٰ بنرجی نے بار بار جونیئر ڈاکٹروں سے کام پر واپس کی اپیل کرتے ہوئے کہا تھا کہ ان کے زیادہ ترمطالبات مان لئے گئے ہیں۔

ممتابنرجی نے ہفتہ کو کہا تھا کہ ان کی حکومت ہڑتالی ڈاکٹروں پر ایسما نہیں لگائے گی اور ان کے زیادہ ترمطالبات مان لئے گئے ہیں، اس لیے انہیں کام پر واپس آنا چاہئے۔

وزیراعلیٰ نے یہاں نبنو میں چیف سکریٹری ملائے ڈے کی موجودگی میں صحافیوں سے کہاکہ ’’میں ریاست میں ہڑتال کرنے والے ڈاکٹروں پر ایسما نہیں لگانا چاہتی اور جونیئر ڈاکٹروں سے کام پر واپس کی آنے اپیل کرتی ہوں کیونکہ ان کے زیادہ تر مطالبات مان لئے گئے ہیں۔‘‘۔