انہوں نے کہا کہ وہ اپنا نجی کاروبار کررہے ہیں۔
' میں ذاتی کاروبار کررہا ہوں، بینک منیجر نہیں ہوں' فاروق اندرابی، تحلیل شدہ ریاستی اسمبلی میں ڈورو حلقہ انتخاب کی نمائندگی کررہے تھے اور محبوبہ مفتی نے انہیں کابینہ میں بھی شامل کیا تھا۔ رشتے میں وہ محبوبہ مفتی کے خالو بھی ہیں۔
فاروق اندرابی پر الزامات ہیں کہ انہوں نے دور اقتدار میں اقربا پروری کی ہے تاہم وہ ان الزامات کی تردید کرتے ہیں۔
ای ٹی وی بھارت کے نمائندے سے بات کرتے ہوئے سید شمس نے کہا کہ بینک میں تقرری سے متعلق خبریں محض افواہیں ہیں اور ان سے انکی شبیہہ خراب کرنے کی کوشش کی گئ ہے۔
انہوں نے کہا کہ وہ اپنے نجی روزگار کے ساتھ محو ہیں اور انہیں جے کے بینک کے ساتھ کوئی تعلق نہیں ہے۔
جموں و کشمیر بینک میں حالیہ دنوں چیئرمین کی برطرفی کے بعد پیدا شدہ صورتحال کے بعد ریاستی انٹی کورپشن بیورو نے بینک کا کافی ریکارڈ ضبط کیا ہے جس کے بعد یہ اطلاعات سامنے آرہی ہیں کہ بینک میں چور دروازے سے کی گئی بھرتیوں کے خلاف کارروائی کی جارہی ہے۔
معلوم ہوا ہے کہ تحقیقات کے دوران پی ڈی پی اور بی جے پی کے کئی لیڈروں کے نام سامنے آئے ہیں جنہوں نے سابق چیئرمین پرویز احمد کے ذریعے اپنے منظور نظر افراد کو نوکریاں دلائی ہیں۔
پرویز احمد نے تاہم کہا ہے کہ وہ کسی بھی تحقیقات کیلئے تیار ہیں۔
