غیر قانونی اسلحہ فیکٹری کا پردہ فاش

اترپردیش کے ضلع ایٹہ میں پولیس نے جلسر علاقے میں غیر قانونی اسلحہ بنانے کے الزام میں دولوگوں کو گرفتار کیا ہے۔

پولیس نے بتایا کہ ضلع میں لوک سبھا انتخابات کے پیش نظر غیرقانونی اسلحہ بنانے کی فیکٹریوں کے خلاف کاروائی کی جارہی ہے۔ اس کےتحت پولیس نےجلسر علاقے میں غیر قانونی اسلحہ بنانے کی ایک فیکٹری کا پردہ فاش کیا ہے۔ اس معاملے میں دوملزموں کو گرفتار کیا گیا ہے۔
انہوں نے بتایا کہ فیکٹری سے بڑی تعداد میں طمنچے، اسلحہ بنانے کے آلات و دیگر اشیاء برآمد کی گئی ہے۔ شبہ ہے کہ لوک سبھا انتخابات میں ان کا استعمال ہوسکتا تھا۔ پولیس دیگر ملزموں کی تلاش میں ہے۔